اسئلة بتجيب الجلطة !!!!!!

موضوع: اسئلة بتجيب الجلطة !!!!!! 21/2/2009, 10:02 pm

أسئلة بتجيب الجلطة و القرح المُزمن:

بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :

شو نايم ؟؟*

*لأ !! عم ارقص.. بس الوضع بيوحي إني نايم*

******************************************

*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:ييه

إجيتوا ؟؟؟*

*لا والله لساتنا عالطريق، في عجئة بالشوارع*

******************************************

*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،

بيجي*

* حدا من أهلك بيسألك، شو رايحلك شي مشوار !!؟؟*

لا والله طالع عالأسطوح صلّح صحن الديجتال*

******************************************

*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى

وجهه علائم الإستغراب والدهشة: بدك تحكي بالتلفون؟*

لأ شو إحكي !!! بس كنت عم جرب صوت طنة الأرقام *

******************************************

*حاطت راسك ونازل بهالكتب والدراسة، بيجي أبوك أو امك...: عم تدرس؟*

*لا والله ...!! عم غير زيت للسيارة*

******************************************

*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي

بتجاوب: شو بتساوي اول يوم العيد ؟ أكيد بتروح بتزور الأهل والقرايب *

*لا والله بالعادة بفكر العب شدة وماروح لعندهم *

**********************************************

نفس المذيعة بتشوف ولد بالشارع وبتساله؟

حبيبي بتحب بابا وماما؟‎!!

لا مابحبهم ,وما بطيقهن , بحب البوسنة والهرسك ... يعني اكيد بحبهم

******************************************

*بتدخل لعند السوبر ماركت و بتكون مستعجل و بتعطيه ميه و بتقله عطيني بيبسي بطلع بكل بروده

بيئلك: واحد ؟*

*لأ 60 واحد ؟ ورجعلي الباقي **

*********************************************

أشّر بأصبعته الكريمة لتكسي، وفعلاً وقفلو العينتين، بيسأله: فاضي؟*

*لأ ... عندي 10 طلبيات، بس وقفت شم هوا*

*************************************************
و تفضلوا بقبول فائق الاحترام .... بس ماتسألوني ليش ؟؟؟؟

بس أنتوا شو عم تعملوا , عم تقرو الموضوع ؟؟؟؟؟

:lol:

موضوع: رد: اسئلة بتجيب الجلطة !!!!!! 21/2/2009, 10:16 pm

تملي حتيت

موضوع: رد: اسئلة بتجيب الجلطة !!!!!! 21/2/2009, 10:20 pm

اهلا اهلا بالحبيب
:D

موضوع: رد: اسئلة بتجيب الجلطة !!!!!! 8/3/2009, 7:58 pm

شو باسل أنت هلأ علأنترنت

موضوع: رد: اسئلة بتجيب الجلطة !!!!!! 9/3/2009, 11:47 am

متل ما ألك العريف بس في تصحيح تملي غتيت

» اربع اسئلة تقرر نسبة ذكائك