يوميات جوارحجي:الجزء الأول(للجوارح خصيصا)

يوميات جوارحجي:
جوارحجي كشاف من فرقة الجوارح ما عندو رتبة يشرح من خلال هذه القصص حياته داخل الفرقة مع بقية الجوارح و مع المساعدين و العرفاء و القادة.
القصة الأولى:
جوارحجي كشاف قديم و لحد الآن لم يحصل على رتبة واحدة
كل ما حصل عليه هو شوية سلبطة و بلادة من المساعدين.
ملاحظة:هو مع طليعة النمر.
اليوم:الخميس
الساعة:6مساء
ينزل جوارحجي إلى النادي فبعد ما نزل عن الدرج طلعلو المساعد هارون من تحت الأرض و وجهه متجهم متل الريد بول و قال:
-وين التحية ولاااااااااا؟
يضرب التحية للمساعد فيعود هذا الآخر و يقول
-وين تحية النادي ولااااااااااا؟
-ضربتا.
-كذاب ولاااااا.
-و الله ضربتا.
-اي رجاع ضربا
-ليش؟
-ما شفتك,بعدين عم تضربا للآرمة حبيبي؟
-طيب ماشي.
يعود,يطلع,يضرب تحية ثم يعود و ينزل لينضم لشباب فرقتو قبل أن ينبألو هادا التاني المساعد طارق.
-بعتلي وحدات ولااااااا.
-اي ما معي.
-طب هات 100 ليرة.
-ليش بقا؟؟
-مساعدة لفرقتك ولاااا.
-اي حل عني,ما معي هلأ.
-و الله بجمدك ولااا.
-ايدك و ما تعطي.
يذهب المساعد غاضبا. ينضم جوارحجي لرفقاتو فيحييه الجميع.
يعود المساعد طارق و يقول:رتبوا الكراسي عالسريع.
فيقول زياد:اي انشالله.
فينظر طارق إلى أخيه بغضب ثم ينصرف إلى غرفة الشورى لينضم إلى المساعد محمد.
يعود زياد فيقول:
-لك شو بدكن بأخوي,هيدي أشكال مساعد هي؟
العمى شو إنو اوزي (و سنشرح معنى كلمة اوزي في وقت لاحق).
فيقول أحد الجالسين و هو العريف أحمد سواس:
-معك حق.
يصرخ المساعد من غرفة الشورى:سمعتك ولااااااااا.
فيضحك الجميع.
بعد الكثير من المزاح و الضحك يقول العريف الأول مصطفى:
-يا شباب أنا ما قدرت إجي هداك السبت.عملتو اجتماع طليعة؟
يصمت الجميع ثم يقولون في صوت واحد:لأ
-طيب يا شاطرين شو بدنا نقول للمساعدين بالاجتماع بكرا؟
يعود الصمت ثم يقول الجميع:
منلاقيلا حل.انت بس اتفرج .
يتبع.
تأليف مصطفى وعبد الرحمن حوا